| الوصف: |
كنت بحلم إن الغفران يبقى له فعلاً وجود.. وإن النسيان يبقى سهل ومتاح.. كنت بحلم إن الألم زي ما بيزيد.. يقل.. كنت بحلم إن كلام الناس ليا عن إنها'فترة وهتعدي'و'بكرة تنسي'يتحقق.. كنت دايمًا بقول لنفسي إني أكيد لما أوصل لنهاية حياتي هلاقي كل حاجة اتحرمت منها وكل فرحة ماكانش ليها أي وجود في قلبي.. كنت مستنية بكرة إللي قالوا إنه هينسيني كل وجعي.. كنت مؤمنة إني أول ما أوصل للنهاية إن الغايب هيرجع.. وإن البيت إللي كنت بحلم أعيش فيه والعيلة إللي كنت بتمنى أكون وسطها أكيد هلاقيهم.. كنت مؤمنة إن النهاية هتكون نهاية لأي وجع عِشته، ولكل دموع بكيتها.. بس إللي حصل كان غير ما أنا اتمنيت.. لأني لَقيت إن طول الانتظار خلاني أكره كل حاجة استنيتها.. لَقيت إن المشاعر من كتر ما خبيتها بطلت أحسها.. حقيقي.. الغفران والنسيان هما النهاية لوجع القلب وكسرة النفس.. وأنا لا قدرت أغفرـ ولا عرفت أنسى.. |
